浪人意嫂既我，48小時前先知有得回流家鄉數天🤪所以呢幾日突襲香港，但留港既日子同山竹襲港日子差唔多！
回鄉第一日，我終於帶住孫女婿俾我爺爺嫲嫲認識😬簡簡單單但好值得紀念。
同意佬上到華永，佢話：「嘩！你祖父母都住得幾好環境噃！背山面海咁樣～」仲沿途大讚香港鬼咁多人，連山墳都密過人，不過都起得井井有條。
⋯咁都有得讚⋯真係反眼反到上太空🙄
五迴七折，終於揾到兩老個位。
我教意佬同阿爺阿嫲飲茶，意佬好孝順，跟足我指示同老人家斟茶：
～嘢嘢飲cha，
～馬馬飲cha。
全程係咁叫野～馬～飲茶😅雖然我唔知阿爺阿嫲聽唔聽得明，不過孫女婿一片孝心上山同佢哋打招呼，佢哋諗泉下有知都好安慰。
圖：意佬表示第一日喺香港食左好多奇怪食物，要食返甜既甜品先可以瞓覺😅
#野馬飲茶？
#意佬
#意嫂
#嫁到意大利
#隨時突然返屋企
Search